Anirem pas jamai
Visitar las Corbièras
Anirem pas jamai
Veser lo Menerbés
Irem pas a Castel
Per manjar de monjetas
Irem pas nos banhar
Dins lo pòrt de Gruissan
Qui a pris ma Fifi ?
Aquel que l’a panat i coparai lo morre
Qui a pris ma Fifi ?
Pr’aquò èra lo remedi contra l’amor
Qui a pris ma Fifi ?
Mas amb los dos braces en fasiá pas lo torn
Qui a pris ma Fifi ?
Segur que traparai pas la meteissa un jorn
Auriá poscut aver
De polidas tetinas
Los uèlhs de la Taylor
Lo cuol de Bassinger
Mas èra un vièlh tròç
Blanca coma una endévia
Peluda coma un gos
Amb un morre de camel.
Qui a pris ma Fifi …
Auriá poscut tanben
Semblar la Joconda
La Venus de Milhau
O la Claudia Shiffer
Mas aviá un gròs nas
De cuèissas de pincarda
E al mièg de la boca
Aviá que quatre dents.
Qui a pris ma Fifi …
Anirem pas jamai
Dins la Montanha Negra
Cercar de camparòls
O caçar lo singlar
Te perseguirai pas
Dins los camps en Setembre
Irem pas nos gelar
La codena a la nèu.
Qui a pris ma Fifi ?
Aquel que l’a panat i coparai lo morre
Qui a pris ma Fifi ?
Pr’aquò èra lo remedi contra l’amor
Qui a pris ma Fifi ?
Tu es partie a Mexico mexico iii !
Qui a pris ma Fifi ?
Tu es partie sous le soleil qui chante iii !